قصيدة الحردلو عن الأستاذ محمود محمد طه

من ويكيبيديا، الموسوعة الحرة: محمود محمد طه مفكر سوداني (1909-1985). ألف العديد من الكتب وقدم الكثير من المحاضرات والندوات وقام بالكثير من الأنشطه الأخرى في سبيل التربيه والتوعيه ونشر الفكرة الجمهورية. عرف بين أتباعه ومحبيه وأصدقائه بلقب الأستاذ الذي يسبق اسمه دائما عند الحديث عنه.

وعلى قاعدة "الشيء بالشيء يذكر" فإليكم قصيدة الحردلو عن الأستاذ محمود محمد طه.. وكما قيل قديما (لا يعرف أهل الفضل إلا أولو الفضل) القصيدة كتبها في وقت مبكر في كنشاسا 1975... وصدرت فى جريدة االوطن صباح الاحد 9 ابريل 2006 .. ن

محمود جنا طه

-1-

محمود جنا طه

واحد من الاحياء

مع انوعمرى انا

لم امدح الاحياء

بس يا سلام .. سلم

زول .. يستحق القول

والحمد والتبجيل

-2-

عارف محمود دا

لو كان فى بلد

غير هاذها السودان

كان توجوه ملك

وكان عمدوه امام

-3-

شوف يازميل الزول

وكتين يكون مشغول

بالمولى .. صح بالصح

وكتين يشوف فى الدين

الجاى والجايين

من العديل والزين

وكتين يسوى الدين

شيتاً محبة .. ولين

كمان زمان الرسول

عليه صلى الله

وجملت الصاحبين

ما فيه قسر

وجبر

ما فيه زنديه

ما فيه شنق

وجلد

ما فيه ايديه

ما فيه الا الحب

ما فيه غير الجمال

ما المولى حب وجمال

-4-

شوف ناس فلانين .. ديك

سو ولنا كيف الدين

شيتاً قطع يدين

شيتاً شنق وسحل

شيتاً رصاص وكتل

وشوف كمان دايرين

يجونا بى اللفة

استغفرك يا زين

-5-

تصور الدنيا

لو داك اصبح امام

حرم يهاجر النور

وسكن معانا الضلام

حرم يموت الكلام

فى ايها شافع

داير يسك الحمام

ويتاتى للعصفور

حرم نموت بالزور

والدنيا تبقى قبور

-6-

محمود جنا طه

ملك

وملكه علم

وفقير وفقره علم

ويمين .. يمين الله

لو عندى ايد لاحقه

اديه تاج الرجال

وابنيلو فى الخرتوم

فوق البحر تمثال

لكين خسارتى انا ..

الما عندى ايها حال

-7-

هذا اخوى محمود

واحد من الاحياء

مع انو عمرى انا ..

لم امدح الاحياء

بس يا سلام .. سلم

زول يستحق القول

والحمد والتبجيل

كنشاسا 1975
رجوع
 

The primary material of the website is authored by Ibrahim Omer © 2008.